اسلام آباد ۔ 27 جولائی (اے پی پی)صدر مملکت ممنون حسین آکھے جو پاک چین اقتصادی راہداری اتے توانائی دے منصوبیاں دے پورے تھیونڑنال کاروبار دیاں نویاں راہواں کھلسن اتے روز گار دے موقع ملسن، ایں بارے حکومت دیاں پالیسیاں درست پاسے اچ ہن ۔ انہاں اے گالہیں بدھ کوں عاطف اکرام شیخ دی سربراہی اچ اسلام چیمبر آف کامرس اینڈ انڈسٹری دے وفد نال ایوان صدر اچ گالھ مہاڑ کریندے ہوئیں آکھیاں۔ صدر مملکت حکومت دیاں پالیسیاں تے اعتماد دا اظہار کریندے ہوئیں آکھیاں جو ملک صحیح پاسے اگوں ودھداپئے ۔ انہاں آکھیا جو چنگیاں اقتصادی پالیسیاں پاروں بین الاقوامی مالیاتی اداریاں پاکستان کوں ابھردی ہوئی مارکیٹ دی درجہ بندی اچ شامل کیتے ۔ صدر مملکت آکھیا جو موجودہ حکومت کاروباری اتے تاجر برادری کوں چنگا ماحول ڈیونڑ کیتے سارے وسائل استعمال اچ گھن آندی پئی ہے ۔ صدر مملکت چیمبر دے وفد کوں مشورہ ڈتے جو او مل اچ چنگی کارکردگی دا مظاہرہ کرنڑآلے تاجراں کوں ایوارڈ ڈیون تانجو انہاں اچ ودھ توں ودھ مقابلے دا رجحان پیداتھیوے ۔ صدر مملکت آکھیا جو کاروباری طبقے دے مسلیاں دے حل سانگے حکومت بھرپور اقدامات کریندی پئی ہے ۔ انہاں آکھیا جو کاروباری اتے تاجر برادری کوں آپنڑین مجوزہ ٹیکس ڈیونڑیں چاہیدے ہن تانجو ایندے توں ملنڑ آلی آمدن نال عام لوکیں کوں ودھ توں ودھ سہولتاں ڈتیاں ونج سگن۔ اسلام آباد چیمبر آف کامرس اینڈ انڈسٹری دے صدر نے صدر مملکت ممنون حسین کوں آپنڑیں مسلیاں بارے ڈسایا۔ انہاں حکومتی اقتصادی پالیسیاں دی تعریف کریندے ہوئین آکھیا جو او ملک اچ اقتصادی حالت کوں چنگا کرنڑ سانگے حکومت نال رابطے اچ ہن۔
اقتصادی راہداری ، توانائی دے منصوبیاں دے پورے تھیونڑنال کاروبار دیاں نویاں راہواں کھلسن، ایں بارے حکومت دیاں پالیسیاں درست پاسے اچ ہن , صدر مملکت ممنون حسین
اسلام آباد ۔ 27 جولائی (اے پی پی)صدر مملکت ممنون حسین آکھے جو پاک چین اقتصادی راہداری اتے توانائی دے منصوبیاں دے پورے...
مضمون کا ماخذ : quina resultados anteriores
